KRALENDIJK Durante e rueda di prensa resientemente, e pregunta a bin di un miembro di prensa tokante e posibel bakuna ku tin pa CoViD-19. Esaki debí ku tin hopi rumor ta sirkulá rondó di un òf mas bakuna ku ya ta riba merkado. Gezaghèber Edison Rijna: ”Si nos ta na altura di e bakuna i ta den preparashon pa na momentu ku e yega Boneiru nos por atendé kuné pa komunidat. Boneiru ta den deliberashon ku Hulanda i RIVM i e departamentu di salubridat públiko ta atendé ku esaki. Pues mi ta konvensí si ta trata di un bakuna bon, nos tambe ta bai hasi uso di dje. Si Hulanda aprob’é nos tambe por us’é,” gezaghèber Edison Rijna a bisa. 

Dr. Marian Luinstra-Passchier tambe a remarká relashoná ku e bakuna ku ta spesial pa e CoViD-19. “E bakuna ta den proseso i e lo bai ta otro kompará ku otro bakunanan ku nos konosé. Dikon, pasobra awor ta trata di un bakuna pa tur hende, mucha i mayor di edat. Ta trata di un bakuna ku nan a desaroyá asina rápido, i hende ta pensa kon por ta posibel ku a desaroyá algu asina rápido, i si esaki ta bon. Mi ta kere nunka promé a desaroyá un bakuna asina rápido. Hopi sèn a hinka pa yega na dje i kantidat di instituto a pone nan mes disponibel pa yega na un bakuna, pa stòp Coronavírùs. No solamente 1, sinembargo mas ku shen bakuna tin i for di nan ta trahando huntu pa skohe esun ku mihó resultado den tur sentido di palabra. Awor ta bai kuminsá usa un bakuna na Inglatera i Europa tin hopi atenshon pa resultado di e bakuna. Pues tin bakuna pa e vírùs i mester ta sigur ku e ta funshoná bon i si esei ta e kaso, Boneiru ta hañ’é pa su habitantenan. E deseo ta pa esnan di riesgo haltu pa e problema di Coronavírùs, manera hende di edat avansá, haña e bakuna promé. Sinembargo ta spera un bakuna ku tur hende por usa pa yuda kontra e vírùs ya konosí,” Marian Luinstra-Passchier a bisa.          

Share This
error: Content is protected !!