KRALENDIJK – Angel Bermudez, direktor di ‘ZVK’ su kontrakt di trabou a tèrminá entrante promé di novèmber 2020 i e ta bai for di e funshon. Curvin George ta remplasá e posishon, sinembargo e posishon ta bai kambia. Esaki ta loke Angel Bermudez a bisa. “E posishon komo direktor di ‘ZVK’ no ta bai eksistí mas, debí ku ‘ZVK’ ta bira ‘ZJCN’. Pues ‘ZVK’ ta bai huntu ku JGCN, ku ta e departamentu di ‘Jeugd en Gezin Caribish Nederland’ (JGCN). No ta un tarea fásil. Esaki ta rekerí hopi responsabilidat. Boneiru tin e tarea pa atendé ku islanan BES i Aruba, Kòrsou i Sint Maarten. Pues nos ta e ofisina sentral den e área di Karibe. E hendenan ku tabata bai Colombia pa tratamentu médiko, no ta bai aya debí na e pandemia di CoViD-19. Tin un kambio drástiko den e forma ku nos normalmente ta funshoná. Mi persona huntu ku Curvin George tin algun luna ta trahando riba e proseso di transishon. Banda di e proseso pa e posishon nobo di Curvin George, e mester atendé i struktura ‘ZJCN’, ku ta algu nobo. Si tur kos kana segun plan pa meimei di 2021, lo ehekutá e departamentunan menshoná. Diferente proseso ya ta andando pa hinka e  departamentunan den otro. Tin indikashon pa medio di 2021, tin un bakuna pa e CoViD-19 i si esei ta e kaso, ta repartié na mes momentu pa Hulanda i islanan den Karibe Hulandes. Ta bai krea un krísis tim pa komuniká ku Hulanda ku regularidat relashoná ku e pandemia di CoViD-19”, Angel Bermudez a bisa. 

Angel Bermudez, direktor di ‘ZVK’ su kontrakt di trabou a tèrminá

Share This
error: Content is protected !!