KRALENDIJK – Dabboussi Motors na 2019 a regalá e hóben ku a resultá e mihó di e skol, un outo nobo. Ta trata di e promé outo di marka Changan ku a yega Boneiru. Amouddi Dabboussi kende ta doño di e kompania ku ta bende outo marka Changan, a bisa na e okashon, ku 2020 e lo bolbe regalá e mihó studiante di e skol un outo durante e selebrashon di entrega di diploma. Debí na CoViD-19, a trese un kambio den e parti di selebrashon di diploma, ku no a tuma lugá. Amouddi Dabboussi a bisa ku el a regalá un kantidat di 20 laptop na 20 alumno, loke ta ekivalente na un outo. Di e forma aki a kontribuí na un grupo di hóben, pa nan kontinuá ku nan estudio, awor loke hopi kos ta sosodé pa medio di internèt, i uso di un laptop ta hopi nesesario, Amouddi Dabboussi a bisa. Di e forma aki nan ta kontribuí na nos hóbennan, ku ta nos futuro nan. “Semper nos ta yuda kaminda por”, Amouddi Dabboussi a bisa.

Share This
error: Content is protected !!