KRALENDIJK – Sentro Hubentut i Famia (SHIF) ta partisipá ku nan tin un aktividat, ku ta karga e nòmber ‘Care 2 Share’. E aktividat ta trata di diferente paña ku e sentro a risibí, i por ofresé esun ku tin nesesidat. Ta paña segunda mano den bon kondishon. Tin paña pa baby, mucha i adulto. Tin diferente sais pa tur edat. Tin artikulo pa kas tambe. E persona ku ta bin pa skohe loke e tin mester, ta importante pa e presentá ku un tas pa por hinka paña den dje. Tur kos ta grátis. Tambe ta rekerí tapa boka pa asina kumpli ku e reglanan pa loke ta trata e problema di CoViD-19. E aktividat ta entre 5’or di atardi pa 8’or di anochi. E ta tuma lugá djabièrnè 4 i 11 desèmber. Sitio ta na Sentro pa Hubentut i Famia Kaya Prinses Marie 7. 

Share This
error: Content is protected !!