KRALENDIJK – Konsehal Esther Bernabela, a bisa algun dia pasá públikamente ku damanan bunita ta bini for di Kòrsou pa gana sèn ku sèks, hasiendo esaki ilegalmente. “No por sera wowo pa e asuntu di prostitushon ilegal na Boneiru. Ta trata di e hendenan ku ta stranhero ku ta hasié na Boneiru, esaki for di tempu a introdusí dòler. Muhénan ku ta bin for di Kòrsou, nan tabata bin i no solamente di Kòrsou, sinembargo tambe di Boneiru ku ta praktiká sèks  ilegalmente. Nan ta gana sèn i bai bèk nan trabou. Mi tin mas informashon ku mi no por dibulgá debí na mi trabou. Keremi tin mas prostitushon ta keda hasi bou di lokalnan ku nos no ta mira. Mi no ta bisa yu di Kòrsou, sinembargo muhé bunita ta bin for di Kòrsou pa prostituí na Boneiru. Den nan tambe yu di Kòrsou. Ta hopi muhé di sigur riba 25 aña, tambe muhé adulto, ta praktiká sèks ilegalmente na Boneiru. Esei ta loke ami sa di dje. E kos ta ku no tin kontròl na e momentu aki, ku e hende muhé drenta Boneiru i no tin un trabou. Pues e ta bin Boneiru keda un kaminda, no ta traha i si ta gana sèn den un forma ilegal. 

No tin un lugá apropiá, kontrolá pa e aktividat di sèks. Ta konosí ku ‘Pachi’ ta será, sinembargo e fiesta di sèks ta sigui normal na otro sitio riba e isla. E kos ta awor nos no ta pendiente. Nos no sa kiko ta sosodé. Nos mester kuminsá un kaminda pa atendé e asuntu aki. E ta un kos poko difísil kon atendé pasobra leinan nobo ta diferente for di promé ku 2010”, Konsehal Esther Bernabela a bisa.     

Diputado Nina den Heyer a bisa ku momentu ku e situashon di Coronavírùs a presentá na Boneiru, a tuma e medida kaminda e dama nan no por a keda na Boneiru, i na e momentu ei e parti kontròl no a kontinuá. “Mi ta konsiente ku prostitushon ilegal ta tuma lugá na Boneiru ilegalmente. No tin un manera ofisial i legal ku ta kontrolá e dama nan ku ta práktika seksualidat kontra pago aktualmente”, diputado Nina den Heyer a bisa.      

Share This
error: Content is protected !!