KRALENDIJK – Djabièrnè 4 di desèmber a sera e promé parti pa loke ta trata e aktividatnan di ‘Street Colors Bonaire’. Despues ku e pintor Edoardo Trionfera (Dodici) tabata na Boneiru pa 6 siman, el a bai bèk su pais. Edoardo Trionfera ta un Italiano biba na Hulanda. Un otro pintor ta yega Boneiru na luna di yanüari 2021, kende ta kontinuá ku pintamentu riba muraya.  

Djabièrnè a hasi un paseo huntu ku miembronan di prensa, kaminda a pasa na tur sitio ku tin pintura ku Dodici i e hóbennan di Boneiru a pinta riba muraya. Diputado Nina den Heyer tambe a forma parti di e paseo, pasando den bus di un sitio pa otro. Meta prinsipal di e pintamentu no ta solamente pa pinta riba muraya, sinembargo pa guia i siña e hóbennan pa kere mas den arte.

Kombinashon di potrèt ta ilustrá e sitionan ku tin pintura; muraya patras di warda di polis, ofisina di Selibon N.V. na Kaya Industria, Sentro di Bario Nort di Saliña i na Kaya Kòrsou.  

Share This
error: Content is protected !!