KRALENDIJK – Djadumingu 6 di dezèmber tabata un dia impreshonante i spesial durante Santu Sakrifisio di Misa na Parokia La Bírgen di Coromoto na Antriol. Sanikolas i su pitnan tabata di bishita dilanti altar serka parokianonan. Pader Alphonsus Baak a presentá nan dilanti altar i nan a sinta un momentu den Misa. Despues ku Pader Baak a dirigí algun palabra, Sanikolas a papia ku parokianonan. El a saludá tur hende i a bisa ku e ta hopi kontentu pa pasa e último dia di bishita na Boneiru, na Misa. Tambe el a ekspresá kon dushi nan a pasa na Boneiru apesar di e pendamia di Covid-19 ku a kambia hopi kos. Despues a entregá regalo pa tur mucha. Pafó di misa tambe tabatin algu di kome i bebe pa tur presente.

Kombinashon di potrèt ta ilustrá e bishita di e hòmber Santu, momentu e tabata na parokia La Bírgen di Coromoto.

Share This
error: Content is protected !!