KRALENDIJK – Awe empleadonan di brantwer, a entregá un karta na e Komandante General Interino di BKCN, Albert Gieling. Den e karta tin skirbi entre otro e malkontentu di e trahadónan. “Desde awe, nos, empleadonan di Brandweer Hulanda Karibense, no tin konfiansa mas den bo persona komo Komandante General Interino.  

Ta eksistí un desepshon i insatisfakshon grandi entre e empleadonan, spesialmente pa e forma kon a hinka e ‘O&F-rapport’ den otro. Ta konosí (investigashon a mustra), ku e situashon laboral na Brandweer Hulanda Karibense ta leu for di ta ideal i ku un rebalorashon di e puestonan ta i tabata nesesario pa mehorá, salbaguardiá e posishon legal di e empleadonan. Ta uza e ’O&F-rapport’ robes, komo base pa bini ku un plan di reorganisashon. Ta bin aserka ku, durante preparashon di e ‘O&F rapport’, a hasi kambionan sin notifiká e Hunta di Partisipashon (Participatie Raad: PR).  

E Hunta di Partisipashon di Brantwer a duna un konseho negativo pa e ‘O&F rapport’ i bo persona a informá nos ku, komo konsekuensia, e reorganisashon, esta, rebalorashon di puestonan, no ta sigui mas. Sinembargo, e rapòrt (inkluso e konseho negativo di Hunta di Partisipashon) mester a bai pa sindikatonan, di Sector Overleg Hulanda Karibense.  

Nos ta kere ku asta sin reorganisashon, e rebalorashon (ku ya a tuma lugá) por ta òf mester ta motibu pa konsekuensianan positivo pa posishon hurídiko si resultá ku e  

rebalorashon ta duna un skal di salario mas haltu, komo resultado di tareanan adishonal.  

Nos ta lamentá ku bo persona ta uza argumentunan robes pa no implementá subida di skal di salario di e empleadonan komo resultado di e (re) balorashon di e puestonan. Nos ta haña ku bo persona a informá nos di manera engañoso i no por hasi nada otro sino retirá nos konfiansa den bo persona. E karta aki ta firma pa empleadonan di BKCN i kopia ta bai pa:  

– Miembronan di Tweede Kamer – Sr. Jan Helmond, direktor di RCN, Presidente di Sector Overleg Hulanda Karibense, Sindikatonan ACOM i STrAF i Prensa  

E ’O&F-rapport’ ta duna informashon riba kon e organisashon nobo ta bai operá, kua ta e konsekuensianan pa e empleadonan i kon lo atendé ku e konsekuensianan. E ‘O&F-rapport’ ta e base pa e Hunta di Partisipashon duna su konseho riba reorganisashon di e empresa. 

Share This
error: Content is protected !!