KRALENDIJK – Tur kèrstbom a kaba na Boneiru, esta e lugánan ku tabata bende e palu konosí den temporada di fin di aña. Kèrstbom òf palu di Pasku manera ta yam’é, e aña aki tabata un eksepshon, kaminda e sitionan ku tabata bende, denter di algun dia tur palu a kaba. Tantu na Kaya Finlandia na kas di Aimed Ayubi i na MAC Enterprises na Tera Kòrá tur kèrstbom a kaba. Manera tur aña, dos kònteiner di 40 pia a bini Boneiru i tur kèrstbom a kaba den un tempu rèkòrt. Kasi semper, sigur pa hopi aña, 2 pa 3 dia promé ku Pasku, un persona ainda por a kumpra kèrstbom, na e 2 lugá ku ta bende. Pa straño ku por ta, ya tur kèrstbom ta bendé. No ta sigur, sinembargo ta suponé ku e benta a bai rápido, debí ku hopi hende ku normalmente ta pasa e dianan di fiesta, Pasku i aña nobo den eksterior, e aña aki debí na e pandemia di CoViD-19 no ta bai afó. Aparte di esaki, último tempu tin hopi hende a bin biba na Boneiru, loke ta pone ku mas hende ta kumpra e palu di Pasku pa entre otro nan kas. Riba potrèt entre otro dia a kuminsá ku benta di kèrstbom, hende nan para den fila pendiente pa kumpra palu di Pasku, manera ta yama nan. 

Share This
error: Content is protected !!