KRALENDIJK – Niun hende no ta bai paga sèn èkstra pa awa di bebe. Esaki ta loke diputado Nina den Heyer a splika durante reunion di Konseho Insular. E tabata fuerte i skèrpi riba e punto aki, debí ku Clark Abraham di oposishon lo mester a saka riba facebook ku ta bai hisa awa ku 80 porshento. “Pa e motibu aki nos tei pa informá i eduká i no mal informá, manera a sosodé.  

Na 2010 gobièrnu a bai di akuerdo i a kuminsá ku konstrukshon di e planta i sistema di kloaka na Boneiru. Union Eurpeo a finansiá e proyekto. Kos no a kana muchu bon sinembargo a guia e proseso i e ta funshoná bon aktualmente. Ya pa 5 aña no ta dùmp awa sushi riba tera ku tur e konsekuensianan. Kas i hotèlnan kantu di laman, nan awa shushi ta pasa pa medio di un pipa bai kaminda ta resiklá e awa. 5 aña e prosesamentu di e awa tabata grátis.

Awor suidadano di Boneiru ta bai paga un parti di e gastunan. Lo mester kontribuí ku 40 porshento di e gastu. Diferente gobièrnu tabata na altura ku ta bai yega momentu ku mester paga pe. Nos no ta deseá, sinembargo tin un palabrashon i mester kumpli kuné. WEB tin ku paga riba esaki, loke ta kousa gastu èkstra pa WEB i mester atendé e situashon. BC a negoshá pa Hulanda mantené e supsidio pa yuda WEB. Nos niun ta deseá pa impuesto. Ta bai introdusí pa esun ku ménos sèn, tin ménos di paga òf nada di paga.

Tin 3 eskoho, sea dividí gastu riba tur kas, sinembargo mester wak ku hotèlnan ta gasta mas. Por separá e sektornan sinembargo e ta difísil pa ehekutá. Di tres ta; esun ku usa mas ta paga mas. Pues un hotèl lo ta usa mas i paga mas kompará ku un hende na kas. A buska e manera mas hustu pa apliká. E kuenta di awa ta keda mes kos. Si bo ta biba un kaminda ku no ta konektá riba e ret di kloaka, lo paga ménos. Esnan aki ta paga mas o ménos 25 dòler pa luna.

Pues no ta henter Boneiru ta bai paga pa esaki. Debí na e asuntu di CoViD -19, nos a realisá kuantu turista ta nifiká pa nos. Dor ku nos ta kuida nos kostanan hopi bon, ta pone ku e turista gusta bishita nos isla. E awa ku ta resiklá ta usa pa planta loke ta pone ku nos por krea nos mes fruta pa mas barata ku esun ku ta bin for di eksterior. No ta korekto ku pueblo ta bai paga 80 porshento pa awa di bebe. Sea ta papia e bèrdat kompletu òf no papia nada, kreando pániko djis pa skor ku algu polítikamente.  

Share This
error: Content is protected !!