KRALENDIJK – Mas i mas outo nobo i segunda mano ta yega Boneiru, i e pregunta ta keda; outo pa kore na unda? Esaki debí ku ya kayanan ta hopi okupá ku outo. Promé ku e problema di Coronavírùs a presentá na Boneiru, tráfiko tabata hopi stanká debí na e kantidat di outo den tráfiko. Esaki na diferente orario durante dia i anochi trempan. Debí ku e vírùs a yega Boneiru i kousa problema, hopi hende no tabata sali kaya fásil. Esaki a pone ku tráfiko a trankilisá i regulá konsiderablemente. Dia ta bai i mientrastantu por tuma nota ku poulatinamente e situashon ta bèk manera tabata algun luna pasá. Di tur manera mas outo ta subiendo kaya atrobe, mas barku ta yega ku outo pa habitante di e isla. No mester lubidá ku último tempu mas i mas persona ta bini pa un mihó bibá aki na Boneiru ku konsekuensia ku populashon tambe ta sigui krese. Aparte ku kayanan ta yen di outo, kamindanan tambe ta super malu. Mester kuminsá restrukturá kareteranan i kuminsá pensa pa bini ku rutanan alternativo. Mas importante sitionan di stashoná outo den sentro di suidat. Awor kisas tin mas entrada den kaha di gobièrnu debí na mas outo den tráfiko, por aselerá e proseso pa drecha kaminda. Potrèt ta mustra momentu ku e barku ‘Southern Highway’ a trese kantidat di outo ayera djarason na Waf Nello Craane.  

Share This
error: Content is protected !!