KRALENDIJK – For di komienso di aña e partnernan di kolaborashon a traha di un manera multidisiplinario den un struktura di ‘Regionaal Informatie en Expertise Centrum Caribisch Nederland’ ( RIEC-CN) na e tema ‘Ondermijning’, bou di kua ta kai trafikashon di hende, eksplotashon, prostitushon i labamentu di plaka.

Den oranan trempan di anochi riba djamars 8 di desèmber 2020, a tene un kòntròl multidisiplinario na un snèk situá den e bario di Antriol Pabou. E akshon tabata den kuadro di e palabrashon di e partner kolaboradó pa atendé ku ‘ondermijning’ na Hulanda Karibense.

Na yegada na e sitio ariba menshoná e tim multidisiplinario konsistiendo di Koninklijke Marechassee, Duana Hulanda Karibense, departementu di Supervishon i Mantenshon di Entidat Públiko Boneiru, Inspekshon di Labor (Asuntunan Sosial i di Labor) i Kuerpo Polisial Hulanda Karibense, a nota señalnan di prostitushon ilegal. En konekshon ku esaki a bai ku 4 dama i un hòmber warda di polis pa interogashon. E tim a sera e lokalidat i e investigashon ta andando.

Resientemente e gezaghèbernan i e Komisario di gobièrnu sentral di e islanan di Hulanda Karibense, a disidí pa forma un grupo di direkshon den kua en todo kaso partnernan manera Ministerio Públiko, KMar i KPCN lo uni nan mes. E grupo di direkshon aki, ku yudansa finansiero di e Ministerio di Hustisia i Seguridat i Landelijk Informatie en Expertise Center (LIEC) a apuntá un ‘kwartiermaker’ ku lo bai investigá si e liña di traha segun un struktura di RIEC ku a implementá, ta pas na Hulanda Karibense i ku eventualmente por duna forma na dje di manera struktural.

Bo a mira algu sospechoso? Yama 717-8000 òf e liña di tep anónimo 717-7251.


MULTIDISCIPLINAIRE CONTROLE

KRALENDIJK – Vanaf begin van dit jaar hebben de samenwerkingspartners in een structuur van het Regionaal Informatie en Expertise Centrum Caribisch Nederland (RIEC-CN) multidisciplinair gewerkt aan het thema Ondermijning, waaronder onder andere mensenhandel, uitbuiting, prostitutie en witwassen.

Op dinsdag 8 december 2020 is in de vroege avonduren een multidisciplinaire controle gehouden bij een snackbar in de wijk Antriol Pabou. De actie komt voort uit dit voornemen van de samenwerkingspartners om de ondermijning in het Caribisch gebied beter aan te pakken.

Bij aankomst op de bovengenoemde locatie heeft het multidisciplinair team bestaande uit Koninklijke Marechaussee, Douane Caribisch Nederland, de afdeling Toezicht en Handhaving van het Openbaar Lichaam Bonaire, Arbeidsinspectie (Sociale Zaken en Werkgelegenheid) en het Korps Politie Caribisch Nederland, signalen waargenomen van illegale prostitutie. Naar aanleiding hiervan zijn 4 dames en 1 heer overgebracht naar het politiebureau om verhoord te worden. De locatie is door het team gesloten en het onderzoek loopt.

De gezaghebbers en de regeringscommissaris van de eilanden van Caribisch Nederland, hebben onlangs besloten een bestuurlijke stuurgroep te vormen, waarbij partners als het Openbaar Ministerie, de KMAR en het KPCN in ieder geval zullen aansluiten. Deze stuurgroep heeft met financiële hulp van het Ministerie van J en V en het Landelijk Informatie en Expertise Centrum (LIEC) een kwartiermaker aangesteld. De kwartiermaker gaat onderzoeken of de ingezette lijn om te werken volgens een RIEC-structuur past in Caribisch Nederland en eventueel structureel kan worden vormgegeven.

Heeft u iets verdachts gezien? Bel 911 of 717-8000 of de anonieme tip lijn 717-7251.

Share This
error: Content is protected !!