KRALENDIJK – Mayornan prekupá no ta aseptá un desishon ku direktor nobo di Liseo Boneriano ta bai implementá.

E direktor ku apénas a sinta na komienso di aña eskolar 2020, pues algun luna pasá, ta proponé pa ehekutá e regla nobo; muchanan no por keda sinta mas. Ku esaki e ta referí ku muchanan ku ta bai Liseo Boneriano momentu ku nan keda sinta, esta nan punto no ta sufisiente pa nan sea terminá e skol òf di un klas pa otro, nan ta bai un nivel mas abou. Mayornan no ta aprobá e forma ku ke implementá e regla. Mayornan tin derecho pa duna opinion i mester skuchanan.

Mayornan no ta kontra e desishon, sinembargo e mester bai konforme lei demokrátiko.E derecho pa keda sinta 1 bia lo wòrdu kambiá, sigun e Direktor nobo di liseo keda sinta no ta un derecho, E direktor a kita e derecho i sin konsulta ku mayornan ni e dosentenan a manda e reglamento Hulanda. E forma ku e ta deseá pa aplik’é no ta korekto. Su meta tabata pa kumpli ku eksigensia di inspektor na Hulanda pues tur skol ku ta kai bou di lei Hulandes mester manda e dokumento pa 1 di òktober 2020. El a menshoná ku ta Hulanda a pone preshon i ku mester aplik’é rápido. Sinembargo, no por tuma e kos aki sin konsulta ku mayornan òf e representante di mayornan. Asina e ta den lei. Mester tin un órgano ku ta yuda pensa momentu ku ta deseá pa un kambio general. E proseso ta loke tin e mayornan hopi prekupá ta imponé un desishon i despues instalá e komishon di partisipashon kaminda mayornan mester wòrdu representá. Mayornan tin kandidato ku nan por vota pa representá nan. Loke a sosodé resientemente pa loke ta trata e parti di votamentu, esaki a bai pa medio di Internèt, debí na e problema di Coronavírùs. Pues no por a hasié manera kustumbrá.

Hopi hende no a partisipá, kisas debí ku nan no tin Internèt i mas. Di e 580 alumno, solamente 66 mayor a vota i esun ku nan a skohe a haña 29 voto. E direktor a bisa ku no ta su parti, kon e kos ta hinká den otro. Pues e aprobashon pa e kambio a bai sin aprobashon di mayornan generalmente. Pues esaki no tin balides. Mester stòp ku desigualdat. No a kana e kaminda korekto i a simplemente introdusí algu i pensa ku mayor nan mester asept’é.

Share This
error: Content is protected !!