KRALENDIJK – Representante di Reino interino, Jan Helmond a dirigí palabra na miembronan di Prensa. El a bisa ku e ta satisfecho kon e relashon entre RCN i miembronan di Prensa ta. Esaki ta hopi importante i meskos komunidat tambe ta bon informá riba diferente tópiko ku ta importante pa nan ta na altura di dje. Esei ta tarea di Prensa. Durante e periodo di krísis di COVID-19, ta notabel kon importante prensa ta, awor mas ku nunka. Notisia korekto, skucha ámbos partido, aktivo den union, rápides di e notisia. Tur esaki i mas, ta loke a hunga un ròl importante último lunanan. Komunidat tin derecho pa risibí informashon korekto i konfiabel. Awendia práktikamente tur hende tin un telefon (‘smartphone’), i fásilmente nan por praktiká, komo si fuera nan ta un miembro di Prensa. Nan ta saka potrèt hasi filmashon di video i hasi remarke. Tin bia e informashon por ta korekto, sinembargo no tur momentu. Ta importante pa e informashon ta korekto i konfiabel. Nos ta haña ta importante pa esnan ku ta Prensa konosí, trese e informashon korekto dilanti pa e komunidat i no forma parti di notisia inkorekto. Pa e motibu aki awe e departamentu di komunikashon di RCN, ta hasi entrega di un karnèt pa miembronan di Prensa (‘Perspas’). Ta trata di un karchi ku ta identifiká e miembro di Prensa.  

RCN ta sigui huntu ku prensa pa mehorá e parti di informá komunidat. Prensa su ròl ta importante. Tin hopi desaroyo den Prensa tur parti di mundu. Mi ta spera i deseá pa prensa sigui suministrá e bon informashon pa komunidat. Meskos ta importante pa e ta notisia korekto. Pabien pa e union den e trabou komo miembro di Prensa”, Jan Helmond a bisa.    

Share This
error: Content is protected !!