KRALENDIJK – Miluska Hansen ta estrená un agènda nobo. Un agènda nobo krioyo, diferente for di tur otro. “ Mi tin un kompania i e ta karga e nòmber ‘Create Ideal You‘. Ta trata di un kompania ku ta diseñá hopi kos físiko, entre otro di e agènda pa 2021. Aparte di esakinan, mi ta duna diferente treinen pa un hende por desaroyá loke e ta deseá pa yega na dje i mas.   

Mi a traha un di 2 agènda e aña aki, despues ku na 2019 mi a traha e promé. 2 agènda pa 2021, un na idioma papiamentu i e otro na ingles. E agènda ta mas ku un agènda. Tin kos den dje ku ta yudabo pa yega na bo metanan. E tin un konsepto (Shik). Tin sekshon pa un hende por yena su kosnan di hasi diario i pa tèrmino largu… i tin tur luna tin un dicho. Asina tin diferente sekshon den un konsepto amplio. Entre otro kon bo por atendé ku sèn i mas. E no ta simplemente un agènda, sinembargo algu mas. E agènda mes ta guiabo kon skirbi kosnan importante, kon guia bo bida den bon direkshon i positivamente. Aña pasa mi a krea e promé agente i esaki ta esun di 2. E agènda ta bistí nechi i for di ora bo ta nota den algu bunita, ya e ta yena bo kurason ku energia positivo. Su nòmber ta; ‘Meraki 2021’. Agènda Meraki 2021 na Ingles i Papiamentu ta disponibel na Floristeria Petals, Bruna, Addo’s bookstore òf tuma kontakto na number di telefon; 795-8081, i ta posibel pa tresé kaminda bo ta deseá. E ta kosta 35 dòler. Algu mas ku un agènda”, Miluska Hansen a bisa.  

Share This
error: Content is protected !!