KRALENDIJK – Djárason último 16 di desèmber 2020 den oranan di atardi, pa ta eksakto di mitar di seis pa mitar di shete, BoVoBo ku ta e bònt di vòlibòl di nos isla, a organisá un workshòp ku treinen pa nos futuronan, nos hóbennan, tantu femenino komo maskulino den sala di deporte di Kompleho Deportivo Jorge Nicolaas na Kaya Amsterdam.

E workshòp tabata bon bishitá, basta hóben a yega sporthal pa e workshop aki di kua e “coach”nan di NeVoBo a keda sumamente kontentu ku esaki, meskos tambe dirigentenan di BoVobo ku a logra esaki ku Hulanda i ta logrando muchu mas pa ku nos vòlibòl.

T’asina ku ta na Boneiru fo’i Hulanda, sr. Han Abbing ku ta FIV Instructor & Hi Performance Volleyball Coach, tambe sr. Peter van Tarel ku ta di e parti di desaroyo.

Durante nan estadia nan a hiba difente reunionnan i tambe lo reuní ku gobièrnu di Boneiru.

E algun dianan ku nan tin akinan na Boneiru, por a komprondé ku nan a gusta hopi i ta sinti nan mes na kas ku gana di keda fo’i djawó aki na Boneiru pa yuda Boneiru ku su vòlibòl. Nan tin trabou pa hasi i tei traha riba esakinan pa yuda Boneiru ku su vòlibòl.

Por spera hopi mas di NeVoBo Hulanda ku ta e bònt di vòlibòl di Hulanda ku ta kla pa yuda nos isla ku su vòlibòl.

Riba potrètnan algun bista di e workshop ku a tuma lugá djárason último den sala di deporte di Kompleho Deportivo Jorge Nicolaas na Kaya Amsterdam.

Share This
error: Content is protected !!