KRALENDIJK – Sindikato ‘STrAF’ 15 novèmber 2020 a kumpli 26 aña di eksistensia den ramo sindikal. Nan ta den proseso pa bai bira mas aktivo aki na Boneiru.

Sindikato ‘STrAF’ a lanta pa un grupo di duanero e tempu aya ku ainda tabata papia di Antia Hulandes. Asina e kos a kuminsá, un temporada kos a manera para ketu, sinembargo awor nan ta por la goma pa kontinuá. STrAF, meskos ku sindikato ABVO, ta konsentrá riba ámtenarnan komo su miembresia. STrAF su meta prinsipal ta pa drenta den ‘sektor overleg’. Den e órgano di konsulta aki tin sindikato ku ta representá trahadónan di RCN riba islanan BES. Pa forma parti di e asina yama ‘sektor overleg’ tin algun punto ku mester kumpli kuné. Entre otro bo mester tin un mínimo di 50 miembro na Boneiru, 15 miembro na Saba i 20 miembro na Statia. Banda di esaki bo mester ta inskribí na Kámara di Komersio di un di e islanan, un statuto válido i por último mester ta inskribí na un sentral sindikal na Hulanda, den kaso aki AKOM. E miembronan ta mas ku 50. Tin di Brantwer, JICN, OCW, Duana i SZW. Tin mas hende a purba drenta serka nos, sinembargo nos a pidi nan warda un momentu te ora nos keda kla ku Hulanda pa por kuminsá ópera. Esaki ta loke Juan Michael Lourens presidente di e sindikato a trese dilanti den un entrevista.

Nos tin 6 persona ku ta atendé ku sindikato ‘STrAF’ na Boneiru. Sedney Marten, Marklin Eustachia, Desmont Trenidat, Rolanda Hellburg-Makaai, Maikel Celestijn i Cheritsa Frans ta esnan ku ta representá STrAF na Boneiru. Nos tambe ta bin for di Kòrsou pa duna man momentu ta nesesario. E idea ta pa e ‘Stuur groep’ bira stabil riba su kurpa. Esnan na Boneiru tin e konosementu pa hasi e trabou. Otro aña ta sigui duna kurso pa fortifiká e miembronan pa nan por defendé e trahadó mas mihó posibel. +5999 516-6300 ta e number pa por tuma kontakto ku nos i Sendey Marten tambe esnan deseá por aserk’é pa mas informashon pa bira miembro. Awor e Boneriano mes su bos lo resoná pa su derechonan den sindikato ‘STrAF'”, Juan Michael Lourens a bisa.  

Share This
error: Content is protected !!