KRALENDIJK – Gezaghèber Edison Rijna a menshoná djaweps durante un enkuentro ku prensaku huntu ku polis, Direktorado di Supervishon I Mantenshon, lo sigui kontrolá awor mas ku ántes pa tur hende kumpli ku e reglanan. Momento ku ripará ku tin tenementu di fiesta ilegal òf, fiesta ku DJ i muzik duru, nos lo aktua mesora. Esei ke men ku nos por ehèmpel por sera establesimentunan di hóreka ku no ta kumpli, òf duna organisadó di fiesta ilegal un but formal.  

Mi sa ku nos tur gusta fiesta, balia, etcetera. Pero nos mester tene kuenta ku nos no por permití ku ta trese salú di nos mes i di otronan na peliger.  

Si a abo no kumpli esei por peligrá salú di bo wela, mama, tata òf otro miembro di famia, bo amigu i konosínan. Laga nos mustra ku nos ta care pa otro. I kaminda por, laga nos yuda otro den esaki. Si bo mira ku un hende no ta tene su mes na distansia di 1,5 meter, hala e persona akí su atenshon.  

Tin un otro motibu pakiko nos mester sigui kumpli ku e reglanan. I esei ta ku si nos haña  un oumento di kaso di COVID-19, nos lo mester bini ku medida muchu mas severo ku mas lo afektá nos manera di biba i anda ku otro”, gezaghèber Edison Rijna a bisa.

Bo a mira algu sospechoso òf sa di kualke akto ilegal i kastigabel, yama 717-8000 òf e liña di tep anónimo 717-7251.

Share This
error: Content is protected !!