KRALENDIJK – Hopi interes ta loke tabatin un bes mas djaluna 14 di desèmber pa tratamentu di e kaso den korte kaminda a kita bida di e hòmber norteño Rafelino Boezem. Debí na e kantidat di persona pa sigui e kaso, a hasi un ahuste i solamente famia serkano por a sigui e kaso den sala di korte. Otronan a bai den un sala na Hotel Mariott i a sigui e kaso pa medio di konferensia di video. Tin yunan di e víktima ku ta na Hulanda i aya nan a sigui e kaso. Ministerio Públiko ta akusá e dama Dayerona R., di 27 aña di edat di a asesiná Rafelino Boezem. Esaki a tuma lugá 14 di yüni 2020. E hòmber a risibí diferente hinká riba e dia menshoná i a fayesé akonsekuensia di e hinká nan.  

AKUSADO TA BISA    

E akusado a bisa ku riba e dia en kuestion e tabata huntu ku un amiga. E amiga a bai pa topa ku un hòmber kasá. E akusado a bisa su amiga, e ta deseá pa bai papia ku e víktima, pa nan por tin un bida na pas ku otro. Nan a bai na un kas serka kaminda Rafelino ta biba i aki e amiga di e akusado a bai serka un primu di Rafelino. Ta trata di Elo. E momentu ei, e akusado a kana bai kas di Rafelino ku e meta pa djis papia kuné. Dado momentu e víktima a saka kuchú riba e akusado i a zuai esaki diferente bia, Debí na esei, akusado Dayerona a hala patras i saka un kuchú ku e tabatin i zuai komo un defensa pe. Momentu ku el a mira sanger, el a kore bai direkshon di su outo. E dama a deklará ku loke a sosodé tabata defensa propio. 

Hues mr. Stefan Van Lieshout a dirigí palabra na Dayerona bisando: ”Hende ta bisa ku bo tabata na e sitio, sinembargo un otro persona a hinka Rafelino komo konsekuensia fatal. Awor abo ta karga e responsabilidat di a hinka Rafelino. 

E akusado a kontesta hues: ”Si tabata algu diferente a sosodé, lo mi a bisa esei. Mi tambe tin doló di loke a sosodé”, akusado Dayerona a bisa. El a keda sorprendé momentu ku el a mira pa medio di ‘screenshot’, e heridanan na kurpa di e víktima. E no por a kere ku el a hasi asina hopi kos.   

RAPÒRT SIKIATRA SIKÓLOGO

Rapòrt di sikiatra i esun di sikólogo forénsiko a konkluí ku Dayerona ta drenta den relashon amoroso ku un persona, kende e ta deseá pa yuda nan. Momentu ku esaki no resultá, e ta reakshoná hopi desapuntá. Otro kos; e tabata hopi rabiá tokante maltrato i destrukshon di su outo di parti di Rafelino. Si dun’é bon ayudo, tin poko chèns pa algu manera esaki ripití. Hues a duna oportunidat na famia di e víktima, pa trese dilanti nan sentimentu. Un momentu di hopi emoshon. Entre otro a lesa deklarashon di mayornan i otro miembro di famia di Rafelino.  

DAYERONA AWOR DESPUES DI 6 LUNA  

Riba pregunta di fiskal mr. Teengs Gerritsen, Dayerona a konta kon e ta sintié awor despues di 6 luna ku loke a sosodé. “Tur dia mi tin doló i ta yora. Tur dia mi ta hasi orashon pidi Dios pordonami. Mi ta spera un dia e famia pordonami. 

Share This
error: Content is protected !!