KRALENDIJK – “E tempu moderno ku nos ta biba aden i ku ta bou di menasa di Covid-19 ta mustra ku informashon i komunikashon a bira ménos importante. E preshon riba salubridat i ekonomia a kita e importansia di e parti sosial. Esaki suidadano Arthur Sealy ta trese dilanti den un komunikado e siman aki. Medidanan di protekshon manera; nister den kokoti, tene distansia i laba man ku habon no a duna e efekto nesesario i a bai den un otro aserkamentu ku ta, medida di urgensia. Sera aeropuerto, sera bar i restorant mas tempran, un sierto kantidat di persona den un espasio, no tin fiesta, no tin regata, no tin yegada di Sanikolas i pa otro aña no tin festival di tumba ni karnaval. Despues ku Bonaire a konosé kasonan di Covid-19 rueda di prensa di parti di gobièrnu a kuminsá tuma lugá ku regularidat i den tur establesimentu públiko a bini skrin. Ta argumentá ku e medidanan ta nesesario pa motibu ku komportashon di pueblo no ta yuda evitá ku e vírus ta plama. Ta poder a tuma mando i ta tuma medidanan mas severo ku ta mishi ku libertat di hende. E pregunta. Dikon no tin un eksperto pa konsehá gobièrnu kon ta e manera mas mihó pa komprondé komportashon di hende bou di sierto sirkunstansia i komuniká pa haña e resultado ku a pone komo meta. Hende ta ‘material’ bibu i ta aktua a base di loke su sintí a disidí pa e hasi. ”

Share This
error: Content is protected !!