KRALENDIJK – Arthur Sealy den un komunikado dirigí na prensa ta kuestioná e aktividat ku tabata tuma lugá sigur pa 1 luna largu riba djabièrnè den kura di Sekshon di Kultura, Arte i Literatura (SKAL) na Playa Pabou. “Loke a tuma lugá na SKAL ku músika i wapamentu, ta e ehèmpel klásiko di aktuashon di hende kontra medidanan tumá pa gobièrnu di Boneiru na un servisio di gobièrnu. Konklushon; Gobièrnu ta partisipá i laga tur kos bou di responsabilidat di hende. Pa evitá ku den e dianan festivo ku baile, kantamentu, tokamentu i aglomerashon di hende mester tin komunikashon general i spesífiko mará na sanshon. Kiko ta bai pasa ku sigur e fiestanan na gran eskala den kunukunan alehá. Den kuminsamentu di e pandemia hopi hende a krea speransa ku pronto ta bini un bakuna riba merkado, pero awor ku tin mas ku un bakuna ya por a tende ku tin duda pa bai pasa angua. E kos ta fásil. Hende tin miedu di pasa angua no ta e bakuna ta e problema. Komunikashon salí for di konosementu di Bonaire su norma i balornan mester ta e punto di salida. Un otro ehèmpel; tapaboka no ta duna e protekshon adekuá i nos tur sa esei pero ta bai pa bunitesa di e tapaboka.”

Share This
error: Content is protected !!