KRALENDIJK – Awe djaluna algun minüt pasa di 3or di atardi, un ‘Backhoe loader’ koriendo riba kaya International direkshon pa Playa, den e bògt na altura di Kazèrne di Brantwer, a pega kandela i a kima kasi kompletu. Informashon no ofisial ku Radio Live 99.9 FM ta disponé di dje ta indiká ku algu a kibra na motor di e mashin i probablemente ta kousa di e kandela. Ta notabel riba kaminda, un distansia di mas ku 20 meter tras di e ‘Backhoe loader’, un líkido a keda plamá riba kaminda. Investigashon lo determiná kiko ta e motibu di e kandela kousá na e aparato. E bon ta no tabatin niun persona herida den e insidente.  

Debí na e aparato na kandela i tabata parsialmente riba kaminda, a pèrkurá pa tráfiko for di ámbos direkshon, pega pa un momentu. Kuerpo di bombero a presentá hopi rápido na e sitio, mirando ku nan ta stashoná djis algun meter for di e sitio di insidente. Polis a presentá pa guia tráfiko na e sitio. Kombinashon di potrèt ta duna un bista di loke a sosodé.     

Share This
error: Content is protected !!