KRALENDIJK – ‘Stichting Adonai’ resientemente a organisá un ‘Christmas Lunch’. Hopi hende a kumpra nan karchi adelantá, asina reservá nan kuminda pa e dia. Manera ta konosí, Lula Bernabela, Elys Santaris i Ericson Martis ta esnan ku ta forma parti di ‘Stichting Adonai’ i a hasi un bon trabou, kaminda hopi hende a kontribuí pa e organisashon por logra su metanan. Entre otro nan tin komo meta pa yega na un manera, kaminda e hende ta kome salú i biba salú. Esaki ta eksihí pa e hende por haña e produkto salú pa e por kumpr’é i kome. ‘Stichting Adonia’ su sentro ta na ta na Kaya Mandelson 2 (magazina Aruba). Esaki sigur ta yuda sinembargo esnan ku ta deseá pa yuda por tuma kontakto ku nan na number di telefon; 795-9879 òf 561-7305. Por topa ku e miembronan tambe durante Marshe di Playa; tur djasabra na Kaya Industria dilanti di ofisina di Selibon N.V. “Sostené nos pa nos por yudabo.”

Share This
error: Content is protected !!