KRALENDIJK – Orco Bank N.V. a ofresé desayuno di Pasku, pa kliente i lider di FKPD. Esaki a sosodé bispu di Pasku mainta na ‘Eddys Restaurant’.  

Orko Bank N.V., 11 aña dunando servisio na e komunidat Boneriano. Tur fin di aña Orco Bank tin e tradishon pa parti pakete di Pasku na tur esnan ku tin relashon ku banko. Esei nan ta hasi ku sumo plaser, pa gradisí tur ku a traha huntu ku e banko, pa logra diferente meta. Mirando e desaroyo di último tempu, banko a reevaluá su tradishon i a yega na e desishon pa hasi donashon na esnan ku mas tin mester den nos komunidat. Ta trata di un desayuno di Pasku ku Orco Bank a ofresé pa esnan ku mas tin mester di nos atenshon i amor den nos komunidat.   

Tur nos relashon; notario, makelar, kompanianan ku ta duna servisio na banko i mas, a aploudí e inisiativa i nan tambe a tuma esaki komo ehèmpel. Ban duna nos komunidat pa trese un Pasku Briante den mas kas na Boneiru.  

Orco Bank N.V. a organisá huntu ku FKPD un desayuno di Pasku pa tur kliente i lider. Mirando e situashon di CoViD-19, e grupo lo ta partí riba dos diferente lokashon. Banda di un desayuno tur afó, Orco Bank N.V. a duna na kada kliente, un regalo ku nan por usa den bida diario. Durante e desayuno e tim di Banko a sirbi tur kliente di FKPD, pa nan por a disfrutá di un desayuno di Pasku bon Meresí.  

Orco Bank N.V. ta sigui hasi esfuerso pa Brinda e mihó servisio bankario, ku kliente por spera di un banko, sinembargo tambe duna kontribushon na nos komunidat Boneriano.   

Orco Bank N.V ta deseá komunidat henter, Felis dianan di Fiesta! 

Share This
error: Content is protected !!