KRALENDIJK – Nos sa ku personanan kontagiá na e momentunan aki ta habitante di Boneiru. Den e klùster di persona ku a pega ku e vírùs tin algun grupo grandi i algun chikitu, pues ta papia di grupo di kontagio.

E koló hel ta indiká ku un persona ta parti di e grupo akí pero e ta den investigashon. Serka e delaster seis persona, nos no ta mira un konekshon ku otro grupo ainda.  

Den e gruponan akí ta trata di famia, amigu i kolega. Nos ta mira ku den misa i iglesia tambe tin persona ku a pega ku e vírùs. Tin un klùster, un grupo nobo ku a surgi for di un fiesta i e grupo akí por bin krese ainda. Nos no por mira esei ainda riba e plachi. Nos no sa di tur hende unda e fuente ta. Ta sigui investigá esei.  

E vírùs di Corona ta aktivo na Boneiru. Naturalmente el a bini di eksterior. Sinembargo awor e ta bou di nos. Nos ta mira ku mas hende ta pega ku e vírùs. E vírùs por plama, pasó hopi hende no ta tene nan mes na instrukshon di higiena, òf no ta wòri mes ku nan. Tin hende ku no tin kunes mes. E sifranan ta mustra resultado di esaki. Nos no por hasi manera e vírùs no tei na Boneiru. E tempu di no wòri a pasa. Si bo tin keho ku por tin di aber ku Coronavírùs, no kana rònt kuné. Keda kas i yama 0800-0800 pa traha un sita pa tèst”, Marian Luinstra-Passchier a bisa.

Share This
error: Content is protected !!