KRALENDIJK – Minister Hugo de Jonge a skirbi den su karta pa Tweede Kamer, relashoná ku e strategia di bakunashon pa e islanan di Hulanda Karibense. Meskos ku na Hulanda, ta kuminsá ku bakunashon pa personal di kuido i personanan mas ku 60 aña di bida. Meskos ta e kaso kaminda ta bai kuminsá ku e proseso di bakunashon pa hendenan di Boneiru, Aruba, Kòrsou, Saba, Sint Eustatius i Sint Maarten na luna di febrüari 2021. Esaki ta e espektativa ku tin. E plan ta pa bakuna tur hende na Saba i Sint Eustatius den un bia, loke na e otro islanan no ta e kaso. Esaki mirando e kantidat di hende ku ta biba riba e isla. Aparte ku e kantidat di hende ta ménos ku e otro islanan, e parti di kuido ta limitá i ta bon pa hasié mas rápido pa tur hende. Na Saba i Sint Eustatius huntu, tin mas o ménos 5000 hende ta biba. Mei mei di luna di yanüari ta plania pa anunsiá kua bakuna ta bai suministrá na e habitantenan. E momentu ei tin mas klaridat tokante disponibilidat di e bakunanan di AstraZeneca i Moderna. Si tur kos kana segun plan, pa medio febrüari ta kuminsá ku bakunashon na e islanan menshoná.   

Share This
error: Content is protected !!