KRALENDIJK – Flamingo TV, e kompania di ‘Cabel’ i Internèt mas grandi i ku mihó servisio na Boneiru, ta invitá tur kliente pa sintonisá ‘Nos TV’ djaweps dia 21 yanüari, na momentu ku ta bai saka e ganadó di un outo nobo nobo.  

E rifa ta tuma lugá dia 21 yanüari pa 8:30 di anochi. Ta trata di e kampaña ku tur aña e kompania ta organisá, sinembargo debí na e situashon di pandemia di vírùs, ta hasié di forma diferente. Pa partisipá, komo kliente bo mester a simplemente paga bo kuenta tur luna na tempu, yena tur informashon riba e lòt ku bo ta risibí i deposit’é den e tómbola grandi ku tabatin den e edifisio di Flamingo TV. E premio grandi di e kampaña di 2020 ta un outo Kia Picanto 2021 kolo blanku ful outomátiko. Di 2 premio ta 1 aña di ‘Cable’ grátis i di 3 premio 1 aña di Internèt grátis. Esaki ta e di 6 outo ku ‘Flamingo TV’ ta regalá na un di su fiel klientenan. Tur kliente ta partisipá ku chèns pa gana e outo. ‘Flamingo TV’ e aña aki ta kumpli 35 aña di eksistensia i ta bai tin kosnan grandi pa tur kliente. Keda pendiente pa e kampaña 2021, ku ta ranka sali pronto. Di e forma aki ta yama danki na e pueblo di Boneiru, ku semper ta konta ku e bon servisio di ‘Flamingo TV’, ya pa 35 aña. 

Share This
error: Content is protected !!