ORANJESTAD – 16 di yanüari binidero frontera entre Venezuela i Aruba, Kòrsou, Sint Maarten no ta habri. Esaki ta kontrali loke ta e pensamentunan riba kaya. Algun dia pasá promé minister di Aruba Evelyn Wever Croes a enfatisá. Ku esaki el a trese un klaridat riba loke tabata sirkulá tokante habrimentu di frontera entre e islanan ariba menshoná. Dia 15 di yanüari binidero un rekisito di visa lo ta na vigor pa personanan ku nashonalidat venesolano. Esaki ta nifiká ku personanan ku pasaporte venesolano mester apliká pa un visa pa por bia pa paisnan Karibense den Reino Hulandes. Esaki no tin nada di aber ku habrimentu di frontera ku Venezuela, e promé minister di Aruba a bisa. E desishon pa introdukshon di visa pa biahero venesolano pa bai pais di Reino, ta un desishon di Hulanda. E visa ta pa e venesolano bibá na Venezuela. 15 di yanüari e fecha ta drenta na vigor, segun Hulanda a informá. Apesar ku e visa keda kla 15 di yanüari, frontera ku Venezuela lo no habri. Frontera ta será pa otro motibu i promé ku e situashon di CoViD-19 a presentá den e region di Karibe. Apertura di e frontera a base di esei ta un proseso ku ta andando. Manera ta konosí presidente di Venezuela Nicolás Maduro fin di òktober di 2020 a ekspresá su deseo pa restablesé relashon nan ku islanan Karibense di Reino Hulandes. Sinembargo ainda e frontera ta será ku Venezuela.  

Share This
error: Content is protected !!