KRALENDIJK – Despues di temporada di Pasku i aña nobo, trabou a kuminsá awor pa drecha Kaya Aruba. Ta trata di e kaya den hanchi di ‘Montecatini’ ku ta bai Kaya Cachi Craane (Malekon). A kuminsá ku kitamentu di e asfalt bieu ku tin awor i ta bai pone klenku.

Promé ku aña a bòltu, Kaya Albert Engelhardt ku ta untiki mas na nort a wordu drechá kompletamente ku klenku. Kaminda di klenku ta mas kumbiniente pa diferente motibu.

E trabou ta dura 3 siman. Pues di awor pa 29 di yanüari. E motibu ku e ta dura tres siman, ta, pa duna chèns na entre otro WEB NV i Flamingo TV pa pasa kabel, ya no mester kibra e kaminda pa hasi loke ta menshoná. E plan ta pa hasi tur kaya ku ta bai direkshon di Malekon, pa nan bira di klenku. Potrèt ta ilustrá trabou ku a inisiá na Kaya Aruba. 

Share This
error: Content is protected !!