KRALENDIJK – Suidadano Marcelo Sint Jago ta hopi desgustá ku e servisio di e kompania Curoil. For di aña pasá el a paga pa un bòm di gas, pero te dia di awe e no a risibíe, tampoko a informá kua dia e lo risibí loke el a paga p’e.  

“E kompania ta avisá e kliente ku dentro di dos siman lo bo risibí bo bòter di gas na kas. 2 siman despues ku mi a paga pa un bòm di gas na Curoil (15 desèmber 2020), mi no a tende nada di e kompania. Despues ku mas dia a pasa, mi a disidí di tuma kontakto ku ofisina di Curoil i nada no a sosodé. Awe 12 di yanüari ainda nada di bòm di gas. For di 2 di desèmber mi a paga i no a tende nada di Curoil. Mi a pensa awor pa publiká esaki pa medio di prensa, pa wak si e ta haña atenshon di esnan konserní. Curoil mester atendé su responsabilidat.” Aparte di e persona aki, tin mas hende ku a paga for di aña pasá i no a tende nada ki dia ta risibí e bòm di gas. Ta trata di un persona di Kaya Erebato, kende a paga for di 14 di desèmber aña pasá. E klientenan remarke ta; si e kompania a hañ’é pa un òf otro motibu strobá, e por a informá kliente ku e proseso pa entregá bòter di gas, ta dura mas largu ku normal. Manera ta e kaso awor, no ta sistema pa atendé ku kliente! 

Radio Live99.9FM a tuma kontakto ku e bosero di Curoil na Kòrsou ku e keda di bai chèk un ke otro ku Curoil Boneiru pa asina informá di loke a sosodé.

Share This
error: Content is protected !!