KRALENDIJK – Christel Engels, propetario di ‘CrossFit Flamingo’ ta hopi defroudá ku situashon di awa di yobida ku ta stroba pasada pa yega na e lugá pa praktiká deporte. Loke a sosodé ta ku último simannan áwaseru ta kai práktikamente tur dia. Esaki ta pone ku entre otro e área di Hato, spesífikamente den bisindario di e gym ariba menshoná, situá nort di e planta di awa di WEB N.V. ta bou di awa.

”Debí ku awa di yobida tabata yena riba tereno di WEB, nan a yena nan tereno ku tera, loke awor ta kousa mas problema pa entre otro e kaminda pa yega e gym. “Nos a aserká tur instansia konserní sin resultado. Tin un lugá ku ta atendé ku boto dilanti di nos gym, e tereno ta yena kompletu ku awa. Nos a pidi i a haña aprobashon di OLB “(Toezicht en Handhaving), kendenan a aprobá pa pòmp e awa manda laman. Poko despues ku a inisiá esaki, STINAPA a presentá i a duna un but, pasobra no por pòmp awa riba tera manda laman. Brandweer a bisa ku nan no por yuda ku e situashon aki. Otro problema ta ku hendenan no por bishitá e gym, debí ku e kantidat di awa ku tin riba e kaminda pa yega na e lugá pa praktiká deporte, nan no ta riska pasa ku nan vehíkulo ku tur e konsekuensianan. E awa lo no bai fásil for di e sitio, mirando ku áwaseru ta sigui kai. A resultá ku nos tin ku laga e hende ku ta bin gym, stashoná su outo na un otro sitio i nos ta buska nan trese na e gym. Esaki no ta funshoná. Na banda di e problema ku awa ta stroba outo di pasa na e sitio, sangura ta na gran eskala. Esaki ta otro problema ku entre otro malesanan ku nan ta transportá. Nos ta spera pa haña un yudansa ku e situashon”, Christel Engels a bisa. 

Share This
error: Content is protected !!