KRALENDIJK – 21 di desèmber 2020, ‘Bonaire Utility Associaton’ ofisialmente a firma statutonan, pa medio di e direktiva temporal. E direktiva ta konsistí di; Leonard Sint Jago komo presidente, Remigio Eliza vise presidente, Junior Albertus sekretario, Armando Baltazar tesorero i Vurnon Cicilia miembro di direktiva. E proseso pa lantamentu di e asosashon i e parti di organisatorio di ‘Bonaire Utility Association’ ta guiá pa ‘Fida B.V.’.        

Leo 2008 a start un kompania di instalashon di koriente. Asina e idea a lanta pa yega na un asosashon di e kompanianan ku ta hasi instalashon di koriente i na 2017 a inisiá ku kòmbersashon ku algun persona, kon pa yega nasementu di e asosashon. 22 kompania tin asosiá na e asosashon. Kisas tin algun no aktivo. “Loke nos a forma ta e mandato di e 18 kompanianan presentá. Febrüari 2021 nos ta bolbe sinta pa  kontinuá ku kombersashon i palabrashonnan.  

Nos a bai Kòrsou tambe pa informashon i e idea ta pa yega na tres piedra di fogon, huntu nos ta tuma desishon pa kosnan kana stabil. Ya e ta kana den bon direkshon, entre otro e relashon di trabou i kontakto ku WEB N.V.. WEB ta hopi kontentu ku e loke nos a presentá i ta hasiendo. Nos ke hisa nivel di tur kompania i regulá preis i mas. E asosashon tei i awor nos ta kontinuá ku tur kompania huntu. Ta importante pa kompanianan ku ta bende material di instalashon di koriente, ta na altura, kiko nan mester buska pa bende, pasobra tin reglanan nobo. Tambe nos ke plania pa organisá kurso pa e hende sa kon ehekutá e trabou korektamente, siguiendo reglanan di WEB. Hasiendo esaki e kliente sa ku e ta atendé ku un kompania rekonosé i ku konosementu amplio di e trabou. Tambe un persona por aserká e organisashon na momentu algu a bai inkorekto, pa nos por duna atenshon na esaki. Pa mas informashon por tuma kontakto ku e asosashon na number di telefon 717-1631 i por pasa na ofisina di IPOT den Antriol pariba.” 

Share This
error: Content is protected !!