KRALENDIJK – Live 99.9 FM ta disponé di e informashon ku den e instituto penitensiario aki na Boneiru di JICN (prison), den mardugá di djaluna último, un detenido di inisialnan J.S., un venesolano, a kose su boka sera komo protesta. E tabata bisti un tapa boka (mondkapje) di manera ku bewakernan no tabata mira ku el a kose su boka. Di e manera aki, el a drenta un wèlga di hamber, esaki debí ku segun e, no tabata skuch’é. Personal di JICN a bisa ku na diferente okashon a papia ku e detenido, i a splik’é e motibu dikon no por bai di akuerdo ku loke e ta deseá. A pasa e detenido pa e departamentu médiko na prison i poko despues a transport’e pa un dòkter. Awor a pone e detenido den un departamentu ‘Forensische Zorgafdeling’, kaminda tin mas atenshon riba dje pa dun’é guia na momentu ta nesesario.    

Share This
error: Content is protected !!