KRALENDIJK – Ayera djamars den oranan di atardi poko despues ku un avion di e kompania KLM a aterisá na Boneiru, KMar mester a atendé fuerte ku un pasahero. E avion a aterisá na aeropuerto Flamingo i momentu ku un di e pasaheronan a baha for di avion, el a deseá pa regresá e avion. Meskos ku tur hende riba e buelo, mester a baha for di avion pa bai den tránsito un momentu, promé kontinuá e buelo pa Aruba. E hòmber tabata riba plataforma di aeropuerto Flamingo i na dado momentu el a hasi intento pa regresá e avion di KLM. Personal di KMar a aktua ku man duru pa dominá e pasahero. A atendé kuné pa algun minüt promé ku e pone den un lugá, miéntras e avion ku e mester a bai kuné a kontinuá, lagando e pasahero na Boneiru. A pon’é den karentena i awe e ta sigui su biahe pa Aruba. E no a keda detené, sinembargo a atendé kuné pa un momentu i despues a pone den karentena. 

Share This
error: Content is protected !!