KRALENDIJK – Expo ’The Colors of Live on Bonaire’, un eksposishon ku kantidat di pintura pintá pa Solveig van Wijngaarden. For di edat relativamentu yòn (mucha), Solveig van Wijngaarden a kuminsá pinta loke e gusta hopi i ta su pashon. Awor e tin algu mas ku 3 aña komo pintor profeshonal. El a pidi 10 persona den komunidat pa manda nan potrèt p’e i el a pinta e parti di nan kara i esei entre otro ta loke por tuma nota di dje den Terramar Museum, kaminda e eksposishon ta tumando lugá. Dia 3 di yanüari último e 10 hende ku el a pinta tabatin e posibilidat pa wak e pinturanan. For di 7 di yanüari públiko por pasa na e museo i wak tur e pinturanan. Ta posibel pa kumpra esun di bo deseo. Diferente ya ta bendé, sinembargo aparte ku tin mas pa bende, por hasi palabrashon ku Solveig van Wijngaarden pa un pintura di bo deseo. Por tuma kontakto kuné personal pa medio di info@sue-artstudio.com.  

Share This
error: Content is protected !!