KRALENDIJK – Alrededor di 11:30 di mainta riba djasabra 16 di yanüari, notifikashon a drenta na warda di polis ku un aksidente di tráfiko a kaba di tuma lugá riba kaya Gobernador N. Debrot na altura di Captain Dons Habitat Hotèl. Un outo di famia marka Kia Rio koló blanku biniendo for di Hato direkshon Playa mester a alkansá un hòmber riba baiskel ku kier a lora pero no a avisá pa esaki, ku konsekuensia ku e outo ku tabata kore su tras a dal den su tayer di patras i e siklista a kai. E impakto tabata fuerte i e siklista tabata keha di doló nan na su kurpa. P’esei a manda pidi ambulans na e sitio pa atendé ku e víktima i dun’é tratamentu médiko pa despues a bai kuné hospital pa tratamentu médiko.. Pa motibu di e impakto e baiskel a keda destruí, meskos e outo su winshil i parti dilanti. CRS tambe a presentá na e sitio pa saka pòtrèt i atendé asuntunan di seguro. E aksidente ta bou di investigashon.


AUTO RIJDT FIETS AAN OP DE BULEVAR NICOLAAS DEBROT

KRALENDIJK – Omstreeks 11.30 uur op zaterdag 16 januari vond een aanrijding tussen een auto en een fietser plaats op de Bulevar Gobernador Nicolaas Debrot. De fietser wilde afslaan maar had dit niet aangegeven, waardoor de auto die achter de fietser reed tegen de achter band botste waardoor de fietser viel. De fietser raakte gewond en is met de ambulance naar het ziekenhuis gebracht voor medische behandeling.

Share This
error: Content is protected !!