KRALENDIJK – Skol sekundario tambe por ta un brote di CoViD-19. Esaki ta loke Milena Silberie, kolaborador di Frakshon Coffie a menshoná durante reunion di komishon CoViD-19. “Kiko ta warda pa hasi algu, promé resultá lat. Mucha di kua edat por hasi tèst di CoViD-19?”  

Diputado Nina den Heyer a bisa ku ta tèst mucha, sinembargo mucha bou di 6 aña kasi nunka a tèst. “Esei no solamente ta e kaso serka nos, sinembargo mundialmente. Riba 12 aña sí nan tèst mas tantu. No tin un grèns. Ta na e momentu ei ta evaluá kon e situashon ta i si ta hasi e tèst. Ta huisio di dòkter òf e ‘verpleegkundige’. Aktualmente 1 mucha tin ku ta positivo bou di 13 aña. Tin 6 ku ta entre 13 pa 18 aña, sinembargo e kategoria aki, ta mas tantu esnan ku ta yegando 18 aña. Kontagio serka mucha ménos i ménos ta bini dilanti. Na Boneiru ainda no tin kontagio pa medio di mucha nan na skol. Te awor kada bia e kontagio di e mucha por a deriv’é dor di su kas”, diputado den Heyer a bisa.   

Share This
error: Content is protected !!