KRALENDIJK – Djabièrnè último NAPB-BES a hasi apertura ofisial di nan ofisina nobo situá na Kaya Korona #13 (den edifisio di A.F.B.W.). Teniendo kuenta ku e reglanan relashoná di CoViD-19, e aktividat a tuma lugá den seno chikitu.  

Na e okashon a dirigí palabra David Molina, kende ta presidente di NAPB-BES. “17 di desèmber 2020 a lanta e direktiva. Asina a bini dilanti pa haña e miembronan, na un sitio ku ta alegá for di boka di trabou. Awor nan tin nan mes ofisina. Aki por yega fásil i pa nos duna e atenshon nesesario. Segun sita nos lo ta presente pa atendé ku e hende. Otro meta ku nos tin ta pa trese e miembronan huntu, loke sigur ta rekerí atenshon. NAPB–BES ya tin mas ku 200 miembro. E miembro mester mira ku e ta paga i trabou ta tuma lugá na nan bienestar. Nos tin kontakto ku Kòrsou i Saba, Sint Eustatius ta parti di nos. Kisas den futuro por atendé pa yega na un ofisina ayabanda tambe. No ta un lucha fásil, sinembargo trabou ta bai tin”, David Molina a bisa.  

Bernard Landwier, tesorero di NAPB-BES, a menshoná ku ta un dia importante den seno di sindikato. “Ta algu hopi importante a sosode. E miembro por konta ku nos ta duna tur atenshon momentu esei ta nesesario. Boso ta e parti mas esensial di NAPB-BES. Nos tin un lucha grandi pa nos i ta konsiente ku nos ta nobo, sinembargo momentu ta nesesario, ta buska asistensia”, Bernard Landwier a bisa.  
Huntu ku e presidente i e tesorero, tambe tabata sintá na mesa; Daviandra Frans kende ta vise presidente i e sekretario Percy Statia. 

Share This
error: Content is protected !!