KRALENDIJK – Gezaghèber Edison Rijna resientemente a bisa; e riesgo di kontagio ta ménos momentu ta trata di hóbennan di 13 pa 19 aña. Esaki no ta kuadra, esta loke gezaghèber a bisa, konsehal di Demokrat Rolanda Hellburg-Makaai a menshoná durante reunion di Komishon di CoViD di Konseho Insular resientemente. “Mi a komprondé ku tin henter un klas di MBO den karentena. Na MBO tin mucha òf hóben ku ta kasi adulto, ku ta riba 19 aña. Mi ta imaginá mi mes ku den kada klas tin un máksimo di 10 alumno. Esnan ku tin mas ku 19 aña, skol a haña instrukshon kon ta atendé ku e grupo aki? Den edat di 19 aña òf mas grandi, mester kumpli ku e medida di 1 meter i mei di distansia for di otro. Ta importante pa tende si e instrukshonnan ta kos aktual òf di algun luna pasá? Gezaghèber a bisa ku e instrukshonnan ta di basta dia i no aktual. Naturalmente e medidanan básiko ta keda válido. Sigur esun di mantené distansia sosial ta keda na vigor”, Gezaghèber Edison Rijna a bisa.       

Share This
error: Content is protected !!