KRALENDIJK – NAPB-BES ta bira e promé sindikato ku ta ubika nan mes den e kas sindikal di AFBW. AFBW ta kontentu ku e inisiativa aki, esaki ta un di e meta nan ku AFBW tin for di inisio di e reorganisashon di e sindikato. AFBW ke pa e kas tin mas sindikato ku nan kantor, esaki ta halsa e servisio ku bo ta duna na bo miembresia. Mas sindikato den e kas sindikal mas e forsa pa sigui lucha pe klase trahadó ta bira. AFBW su meta ta pa mas sindikato tin nan ofisina den e kas sindikal, asina,ki nos ta huntu bou di e mesun dak, esaki ta krese e forsa di hermandat i union. “No por sigui ku e sistema di kada bes reunié aki aya òf tin tur atministrashon no reglá òf sentralisá, esaki Presidente di AFBW ta splika”. Un kas sindikal ta algu hopi importante pa e miembronan, nan tin un kaminda pa bini i haña mas konosementu i tambe trese nan prekupashon nan i nan situashon di kada dia laboral. AFBW ta kere ku meskos ku tin misa pa parokiano nan òf kas di bario den bario nan ta hopi importante pa miembronan tambe tin nan kas sindikal. AFBW ta enkurashá otro sindikatonan pa por tin nan kantor tambe den e kas sindikal, tuma e ehèmpel di sindikato NAPB. AFBW ta manda un pabien pa e sindikato NAPB BES i forsa ku e trabou sindikal.

Share This
error: Content is protected !!