KRALENDIJK – Un total di diestres persona a risibí nan sèrtifikado di masahista for di mannan di presidente di Federashon di Futbòl Boneriano (FFB), sr. Ludwig “Luti” Balentin i sr. Urbano “Bano” Pourier ku ta masahista diploma ku a duna e kurso.

Tabata un kurso mas bien práktiko pa siña esnan ku a sigui e kurso, kon pa trata ku kualke leshon ku hungadónan por haña durante partidonan di futbòl.

Tabata un kurso organisá pa FFB i na enkargo di sr. Bano Pourier.
Durante su diskurso, sr. Pourier a mustra su satisfakshon di por a haña oportunidat di pasa su konosementu over den e parti di masahista di futbòl, ya ku segun e, e ta birando grandi.

Tambe sr. Luti Balentin a felisitá esnan ku a sigui e kurso felisitando nan tur, yamando nan pabien tambe pa e logro aki.
Aki ta sigui esnan ku a risibí sèrtifikado;
– Anayancys Kwidama.
– Eugenie Rodriguez.
– Cedrick Cicilia.
– Evidente Bautista Reyes.
– Everon Vrutaal.
– Gielbert Alberto.
– R’Gwen Goeloe.
– Guiseppe Mattheeuws.
– Michelle Paula.
– Marisol Dirksz.
– Rayan Rammo.
– Rogue Domacassé.
– Reiniger Goeloe.

Pabien i éksito na esnan ku a sigui e kurso pa pone esaki den funshon momentu ku kampionato kuminsá.

Share This
error: Content is protected !!