KRALENDIJK – Resientemente tabatin entre di sèrtifikado Lisensia D i C di Concacaf na “coach”nan ku a sigui e kursonan ku éksito.
Esaki a tuma lugá den Stadion Antonio Trenidad na Rincon, unda ku diputado di deporte sr. James Kroon i presidente di FFB, sr. Ludwig “Luti” Balentin, a hasi entrega di e sèrtifikadonan.

Si nos menshoná “coach”nan di futbòl, hopi lo ta pensa solamente riba e parti maskulino. Den e kaso aki tabata tantu e parti femenino komo tambe maskulino ku a risibí nan lisensianan despues di a sigui nan kursonan ku éksito.

Un bon kantidat di “coach” a risibí nan sertifikado i ta hopi entusiasmá pa pone den práktika loke nan a logra pa adelanto di futbòl di nos isla.
Manera ta konosí, Concacaf a pone komo eksigensia ku “coach”nan tin ku sigui kursonan pa keda sertifiká ku derecho pa guia ekiponan i tambe un selekshon.

Ku esaki tin hopi a sigui e kursonan, tantu femenino komo maskulino, pero hopi tambe ku no a sigui, talbes ku e pensamentu ku nan lo no logra.
Hopi a sigui e kursonan i awe ta orguyoso ku nan a logra esaki, loke ta di apoudí.

Pa loke ta trata e grupo pa Lisensia C, tin 5 persona mas pendiente pa risibí nan sèrtifikado, esaki debi na algun opstákulo personal ku nan no a logra sigui e kurso kompleto. Nan a traha afprak kon nan lo por entregá nan tareanan i tambe kumpli ku nan ora.

Na momentu ku nan kaba hasi esaki nan lo risibí nan sèrtifikado.

Level CONCACAF D / WorldCoaches Intro.
1 Carlos J.J. Pourier Real Rincon.
2 Marisol C.P. Dirksz-Winklaar Juventus.
3 Jacqueline Sewtahalsing-Frans Juventus.
4 Germain Alberto Estrellas U11.
5 Raymiro Coffie Real Rincon U15.
6 Fitzgerald P.B. Cecilia Vespo U7.
7 Mishelie Paula Real Rincon U11.
8 Inga R.O. Tjin-A-Sie Titans U7.
9 Amaranthe Balentin Titans U7.
10 Jean-Anne Winklaar ATC.
11 Peter van Beers ATC.
12 Elianne A.E. Domacassé ATC U11.
13 Andres Bermudez Arbelaez Titans U9.

Level CONCACAF C / WorldCoaches Basic.
1 Omar F Keller ATC.
2 Edsel Cecilia ATC.
3 Anandkoemar Edgar Lalta ATC.
4 Mauricio Tobon Uruquay U15.
5 Shahairo Oleana Vespo.
6 Daniëlo Trenidad Real Rincon.
7 Ryan Martha Titans.
8 Nafthali Rier ATC.
9 Leroy van Dongen Dreams Project.
Pabien na e “coach”nan ku a risibí nan lisensia di Conacaf.

Share This
error: Content is protected !!