KRALENDIJK – Otro luna Boneiru ta spera di por kuminsá ku un programa di bakunashon. E promé personanan ku ta bini na remarke ta hendenan ku ta traha den salubridat, personanan di 70 aña òf mas i personanan vulnerabel. Nan ta esnan ku ta risibí e bakuna promé. Despues ta sigui personanan di riba 60 aña, sigui pa esnan di 50 aña. Esnan bon di salú ta na último lugá. Esaki ta loke Joey Van Slobbe, kolaboradó di maneho di sekshon di departamentu Salubridat Públiko a bisa.

E bakuna di ‘Pfizer’ ta esun ku ta bai usa na Boneiru. ‘Moderna’ ta un di 2 posibilidat. Tambe tin un di tres bakuna ku ta Astra-Zeneca, pero esei ainda ta den proseso pa haña aprobashon. Departamentu di Salubridat Públiko ta den preparashon for di luna di òktober di aña pasá huntu ku e departamentu di salubridat i medio ambiente di Hulanda (VWS) i e instituto di gobièrnu hulandes pa salubridat i medio-ambiente (RIVM), huntu ku ‘stakeholder’ i profeshonalnan den kuido na Boneiru.

Boneiru ta bai haña 2 frizer pa warda remedi; un pa ‘Pfizer’ i e otro pa ‘Moderna’. E vrizernan a tarda poko debí ku e parti transporte, ta tumando lugá ku poko koutela. E motibu ku ta bai usa mas ku un bakuna, ta debí na e kantidat di bakuna ku tin na Hulanda. Pues ta importante pa Boneiru ta disponé di mas ku un. Na Hulanda ta konsehá kua bakuna ta duna e hende di sierto edat. Ta bai informá pa medio di un kampaña pa e hende sa kon sigur e bakuna ta. Lo dura mas o ménos te e di tres kuartal di aña pa tur hende risibí e bakuna. Si algu no bai bon ku e bakuna tin un protokòl ku lo kai aden. E chèns pa algu bai robes ta minimal. A hasi hopi estudio riba e bakunanan. E bakuna no ta obligatorio pa tum’é. Un hende ku ya tabata kontagiá ku Coronavírùs, ta bon pa tòg e tuma e bakuna pa e kurpa ta mas stabil kontra e vírùs. E bakuna ta prepará e kurpa pa momentu e risibí e vírùs, e ta dil kune i sin laga e hende haña kebrante di salu. Pa awor tur hende ta posibel pa risibí e bakuna. Nan no ta kore peliger. No tin un hende spesífiko pa tuma e promé bakuna na Boneiru. Gezaghèber Edison Rijna a bisa; si pidié e ta disponibel. Tur hende di 18 aña òf mas por pasa e bakuna.  

Share This
error: Content is protected !!