ORANJESTAD – Despues di algun luna cu produccion a tuma lugar, Videoclip “Surfing” finalmente a wordo lansa!

Artista Cantante Carlos Arroyo cu ta firma bou di Record Label “Rimas” porcierto Record Label cu Bad Bunny ta cay bou di dje, a colabora conhuntamente cu JEON den studio na Miami pa cu e cancion cu ta premira di ta un exito internacional “Surfing”.

Asina cu e produccion den studio a wordo finalisa, 17 di October 2020 Carlos Arroyo a bin di bishita na Aruba pa asina forma parti hunto cu JEON den e produccion grandi cu a tuma lugar na Aruba su bunita laman, presenta cu colornan vibrante y alabez cu un ritmo musical moderno!

“Surfing” e tema aki su ritmo a wordo composita por medio di “Jhon Paul El Increibel” y JEON a realisa e parti di produccion.

E videoclip aki seguramente lo hala su antencion cu su melodia ritmico, su colornan artistico y e combinacion dinamico cu e combo vocal aki so por realisa! “Surfing”a ricibi un apoyo inmenso caminda e equipo dinamico cu a realisa e produccion a keda sumamente agradecido y ta duna danki pa tur e sosten cu a ricibi di parti Cuerpo Policial Aruba, Elite Productions & Entertainment, Gianni’s Group Aruba ,Anson Heavy equipment & Transport, Jason Fun, IssabeachFoodtruck, X Seasons Tent, Blue Highway, Hi Winds, Kooyman, Tropical Bottling Company, Magic Mango y Gigliola Designs.

For di 15 di Januari 2021 videoclip “Surfing” ta disponibel riba tur plataforma pa asina mundo henter por difsruta!

Share This
error: Content is protected !!