KRALENDIJK – Sr. William Evertsz di e akademia Wolf Pack Academy, fin di aña tabatin un tremendo programa di Self Defense pa mucha ku tabata sigur un gran éksito.

Nos a papia ku sr. Evertsz riba esaki pero tambe otro programanan mas ku ta bai kuminsá pronto pa tantu mucha komo tambe adulto ku ta pidi pa esaki. Tin hopi petishon spesialmente pa e programa pa mucha ku hopi bia nos no ta para ketu na esaki, ki daño nos lo por hasi na e mucha, òf e mucha na un otro mucha. Sr. Evertsz den kombersashon ku nos tabatin kuné siman pasá, a yama danki na tur e mayornan ku ta konfia den su persona.
Nan di Wolf Pack Academy ta hopi gradisido pa e atenshon.

E aña aki ku ta 2021 na ta bai ranka sali ku tremendo programanan, di kua den luna di febrüari ta bai tin un kurso di Self Defense pa adulto, esaki di 6 di febrüari pa 21 di febrüari 2021. Di 13 pa 28 di mart e treinen pa mucha riba petishon di mayornan ku ta bai ta “Stop Bulling” atrobe pa e muchanan, esaki riba petishon di mayornan ku ta haña oportunidat atrobe pa nan yunan sigui ku e treinen aki.

Esaki sigur ta un bon oportunidat pa nos muchanan por partisipá na e programa aki ku ta yuda e muchanan sigur den nan desaroyo. Wolf Pack Academy a haña masha masha hopi bon reakshon di e programa den fin di aña tras di lomba, esaki ku reakshonnan ku ta bisa ku e programa a yuda nan yunan sigur i nan ta mirando hopi kambio den e muchanan su aktitut despues di a sigui e treinen aki.

Mas aleu riba nos pregunta sr. Evertsz a duna di konosé ku tur dos lès, tantu esun pa mucha komo esun pa adulto, ta bai 6 siman o sea 6 lès riba djasabra i djadumingu. Nan ta bai empoderá riba diferente área pero por ehèmpel e parti di “self- defense” ta un empoderamentu personal p’abo mes. E promé kos ku e ta nota den kombersashon ku mayornan, ku e mucha a kambia, e balor propio di e muchanan ta subi, nan ta mas sigur den nan mes. Anto nos sa ku ora bo ta sigur den bo mes, esaki tin hopi kambionan mas den diferente otro parti di e bida diario. Esaki ta trese kambionan na skol, na lès, den komunikashon i sa kiko bo ke logra.

Pues di e forma aki tambe di parti Wolf Pack Academy, ta duna algu positivo na e muchanan, pero aworokí na e adultonan tambe.
Mayornan ku ke inskribí nan mes pa e programa pa tantu e yu komo mayornan mes ku ta bai kuminsá pronto, por yama sr. Wiliam Evertsz mas pronto posibel na tel 777-2095 p’abo ta sigur di por ta den e programanan ku ta bai kuminsá fabrüari i mart benidero.

Share This
error: Content is protected !!