KRALENDIJK – E bònt di pinòn di nos isla ku ta BTTB i ku ta bou di presidensia di sr. Junny Vos, próksimamente lo bai na entregá materialnan ku nan a risibí komo regalu, komo donashon di entre otro e federashon internashonal di pinpòn i tambe federashon di Hulanda, na entre otro nos sentronan di bario pa pronto por kuminsá bèk ku treinen di pinpòn na e sentronan aki.

Mas aleu sr. Vos a bisa ku nan di BTTB ta hopi kontentu di por tabatin kontakto ku e persona ku ta atendé ku sentronan di bario pa OLB, di kua e ta sumamente kontentu ku ke kuminsá o ta bai kuminsá bèk ku entrenamentu di pinpòn na e sentronan di bario di nos isla.

Relashoná ku entrega di e materialnan ku BTTB a logra haña pa sigui promovè e deporte di pinòn bou di hóbennan, sr. Vos riba nos pregunta a duna di konosé ku aña pasá relashoná ku Covid-19 no por a logra entregá e materialnan na skolnan e sentronan di bario.

E aña aki esaki ta haltu serka nan pa hasi entrega di esakinan di manera ku di e forma aki tambe ta haña mas mucha ta sigui entrenamentunan di pinpòn i siña hunga e deporte aki.

Meta di BTTB ku ta bònt di pinpòn ta, sigui promovè e deporte bou di hubentut i logra haña mas mucha ta praktiká e deporte aki riba nos isla.

Mas aleu sr. Vos a bisa tambe ku mas lihé entregá e mesanan i otro materialnan na e skolnan i sentronan di bario, lo ta unu di preparashon pa asina ku e asuntu di Pandemia aki suavisá riba nos isla, Hulanda manda un entrenadó profeshonal pa 3 o 6 luna Boneiru pa siña nos muchanan hunga pinpòn, ya e mesanan tei na e sentronan di bario i skolnan pa por hasi uso di esakinan.

Lo tin ku traha un programa pa na momentu ku e entrenadó yega fo’i Hulanda aki algun luna, e por pasa na e skolnan i sentronan di bario pa yuda nos hubentut ku e deporte di pinpòn un ora òf un

ora i mei pa yuda e hubentut di grupo 7, 8, 9 i 10 ku e deporte di pinpòn.

Ainda no ta konosí ku eksaktitut kua ta e instansianan ku lo bai haña e materialnan entre otro mesa, ya ku tin instansianan ku ya tin un mesa.

Nan tin un lista di esakinan, kua ta e instansianan ku ya tin mesa di pinpòn ku nan por hasi uso di esaki pa trein.

BTTB por ehèmpel e instansianan ku ya tin mesa, lo motivá i kurashá nan pa sigui trein i organisá tambe un torneo por ehèmpel pa alsa e nivel di e deporte.

Na Brantwer por ehèmpel ya tin mesa di kua BTTB lo por yuda nan i organisá torneo pa nan, loke ta hopi importante pa desaroyo di e deporte aki di pinpòn.

Share This
error: Content is protected !!