Kralendijk – Ultimo dianan por a nota ku tin bastante moveshon i trabounan di kobamentu ku ta tumando luga na Julio Abraham Boulevard. Esaki ta e trabounan di kobamentu pa ku renobashon di e liña di irigashon (9e EDF) ku tin ku yega te na e planta di WEB na Hato.

Por a nota tambe ku tin diferente desviashon pa tráfiko riba Julio Abraham Boulevard. E seramentu di kaya ta tuma lugá den fase pa evitá molèster mas tantu ku ta posibel pa abitantenan. Temporalmente lo por tin molèster di stòf i zonido.

E tráfiko por hasi uzo di rutanan alternativo señalá pa medio di bòrchinan di tráfiko. Kompanianan di transporte ta kore bini kontrali di e tráfiko via di Kaya Betico Croes t/k Kaya Industria. Pa esaki lo sigui un eksonerashon formal otorgá dor di OLB.

Área di trabou i ruta alternativo.

Riba e mapa na kontinuashon kaminda ku ta realisando e trabounan ta marká ku bèrdè, tambe e área entre e liña bèrdè i e koló kòrá pa e ruta alternativo (Julio Abraham Boulevard) ta parti di e trabounan aki. Te ku djamars 26 di yanüari e tráfiko tin e siguiente alternativanan:

  • Tráfiko ku ta bini di Divi Flamingo Resort & Casino ku direkshon Kaya Grandi nos ta konsehá un ruta alternativo: via Kaya Internashonal i seguidamente e kamindanan entre Kaya Gresia i Kaya Gilberto F. Croes.
  • Tráfiko di karga for di e pir di Sùit ta kore den direkshon kontrali riba kaya C.E.B. Hellmund (koló kòrá riba e karchi) pa Kaya Betico Croes.
  • Tráfiko ku ta sigui stret riba Kaya C.E.B. Hellmund ta desviá na altura di kantor di Douane via di e lugá di parker di Bestuurskantoor pa Kaya Betico Croes (koló blou riba e karchi).
Share This
error: Content is protected !!