KRALENDIJK – Djadumingu den oranan trempan di anochi, polis a detené un hòmber i a konfiská un arma di kandela. Algu promé ku 8’or di anochi, a drenta un yamada na warda di polis ku un tipo a menasá un persona ku morto. Despues di e informashon ku polis a risibí, un patruya a bai na e kas situá na Kaminda Djabou kaminda e suseso a tuma lugá. Na nan yegada e sospechoso no tabata na e sitio mas i mesora e patruya a sali en buska di e tipo aki. Na altura di Kooyman riba Kaya Korona, e agentenan a tuma nota di e vehíkulo ku ta enbolbí den e kaso di menasa stashoná. Polis a blòkia e vehíkulo i a detené e persona ku tabata manehá e outo. Tambe a tuma nota ku e persona a tira algu for di e vehíkulo na momentu ku el a mira polis nèt promé ku el a keda detené. Porsierto tabata tin basta hende riba e sitio di stashoná outo di e kompania menshoná. Esei tabata motibu ku a manda pidi refuerso di mas patruya pa yega na e sitio. Despues di un buskedá, a topa ku e arma di kandela ku a keda uzá den e kaso di menasa ku morto. Pa menasa i violashon di e Lei di Arma BES, a detené e hòmber di inisial R.F.S.B. di 21 aña di edat. E investigashon a tuma un momentu largu na altura di e kompania menshoná, esaki despues ku a manda yama reshèrshi pa presentá na e sitio i a manda yama tambe gerensia di Kooyman pa bini i habri e porta grandi di heru pa polisnan por a drenta parti paden riba e tereno di e kompania. Tambe a konfiská outo di e sospechoso. Ta investigando e kaso.

Poseshon di arma ta oumentá e chèns di insidente òf violensia. Segun lei, poseshon òf uzo di arma di kandela ta prohibí. Pues poseshon di arma di kandela ta kastigabel. Bo tin arma di kandela i/òf munishon òf bo sa di un persona ku tin arma di kandela? E ora ei bo por mèldu i/òf entregá esaki na polis. Traha un sita via 715-8000 òf via di e number di telefòn anónimo 717-7251.


MAN AANGEHOUDEN VOOR BEDREIGING MET VUURWAPEN

KRALENDIJK – In de vroege avonduren op zondag 24 januari, kreeg de politie melding dat er iemand met de dood werd bedreigd. Een dienstdoende patrouille ging meteen ter plekke bij een woning aan de Kaminda Djabou. Bij aankomst van de patrouille was de verdachte al weg waarop een zoektocht naar de verdachte volgde. Hij werd op de parkeerplaats van een bouwwinkel aan de Kaya Korona aangetroffen en aangehouden voor bedreiging en het overtreden van de vuurwapenwet BES. Het betreft een man met initialen R.F.S.B. van 21 jaar. Het vuurwapen en de auto van de verdachte werden in beslag genomen. De zaak wordt onderzocht.

Wapenbezit verhoogt de kans op ongelukken en geweld. Het is volgens de wet verboden om wapens te bezitten of te gebruiken. Het bezit van wapens is strafbaar. Hebt u een wapen en/of munitie of weet u van iemand die er één heeft? Dan kunt u dit melden en/of inleveren bij de politie. Maak een afspraak via 715-8000 of via het anonieme nummer 717-7251.

Share This
error: Content is protected !!