KRALENDIJK – Dia 21 di desèmber 2020, Hennyson Thielman a keda nombrá komo diputado di Entidat Públiko Boneiru. P’esei Kolegio Ehekutivo resientemente a repartí tareanan.

Diputado Nina den Heyer ta enkargá ku portafolio di Komunidat i Kuido. E portafolio akí ta konsistí di Salubridat Públiko, Enseñansa, Kultura, Asuntunan Sosial i di Bienestar, bou kua ta kai Hóben i Famia, Asuntunan Laboral, Revitalisashon di Aparato Gubernamental, Registro Sivil i Bibienda Popular. Si bo tin karta / petishon pa diputado Den Heyer, manda esaki na gedeputeerde.denheyer@gmail.com

James Kroon ta enkargá ku portafolio di Planifikashon i Desarroyo i Asuntunan di Deporte. Esaki portafolio akí ta konsistí di Planifikashon i Maneho, Asuntunan di Tereno, Tráfiko i Transporte, Agrikultura, Krio di Bestia i Peska (LVV), Maneho di Medioambiente i Naturalesa, Asuntunan di Deporte i maneho. Si bo tin karta / petishon pa diputado Kroon, manda esaki na gedeputeerde.kroon@gmail.com

Diputado Hennyson tin e portafolio di Desaroyo Ekonómiko i Maneho Operashonal i Sosten. E portafolio akí ta kontené Finansas, Desaroyo Ekonómiko, Turismo, Asuntunan Hurídiko i General, Personal i Organisashon. Akibou ta kai tambe reorganisashon di Entidat Públiko Boneiru, Teknologia di Informashon(ICT), Komunikashon, Pòst i Archivo, Servisio Fasilitario i Telekomunikashon. Si bo tin karta / petishon pa diputado Thielman, manda esaki na gedeputeerde.thielman@bonairegov.com

Gezaghèber Edison Rijna tin bou di dje: Orden Públiko i Siguridat, Kombatimentu di desaster, Elekshon, Kompanianan di Gobièrnu, Direktorado Supervishon i Mantenshon, Mantenshon di Espasio i Desaroyo, Mantenshon di Komunidat i Kuido, Proyektonan di Mantenshon i Gruponan di Tarea, Haf i Lots i Ofisina di Reibeweis. 

Na momentu ku un di e diputadonan ta ousente, diputado Kroon lo remplasá diputado Den Heyer. Diputado Thielman lo remplasá diputado Kroon i diputado Den Heyer lo remplasá diputado Thielman.

Na momentu ku gezaghèber Edison Rijna ta ousente, e lo wòrdu remplasá pa gezaghèber interino Nolly Oleana.

Kòrda si bo ta manda un karta / petishon pa un diputado, kontrolá si bo a menshoná bo adrès, number di telefon, adrès di e-mail i e karta mester ta firmá.

Share This
error: Content is protected !!