Kralendijk – Pa motibu di e medidanan aktual relashoná ku e vírùs di Corona i e tempu insigur mará na esaki, Entidat Públiko Boneiru den konsulta ku e organisashon FuDeCu di Dia di Rincon a disidí ku e aña aki tampoko no ta laga e selebrashon sentral di Dia di Rincon tuma lugá na e manera di kustumber.

Durante luna di aprel e organisashon lo organisá diferente evento si, ku tur hende por sigui via ‘live streaming’. Esaki ta nifiká ku lo tin un tiki kambio pa loke ta trata e eventonan ku ta mará direktamente na Dia di Rincon.

Dia di Rincon ta un manifestashon kultural anual ku nan ta organisá ya pa 32 aña kaba i ku por konta ku partisipashon di mas ku 4000 hende. E meta prinsipal ta pa trese hendenan huntu pa di e manera ei laga nan gosa di tur e partinan importante di e patrimonio kultural di Boneiru.

E aña aki pa di 31 biaha lo organisá ‘Kanto Krioyo’ ku ta parti di esaki i kaminda ta kanta tambe tokante tradishonnan, kustumbernan i leyendanan. Kanto Krioyo konosé un promedio di 1500 bishitante.

Durante un reunion kaminda diputado sra Nina den Heyer, e hefe interino di SKAL sr Felix Thomas, e presidente di Fudecu i organisadónan di Kanto Krioyo tabata presente, konhuntamente a tuma e desishon difísil pa e aña aki na otro manera duna forma na e festividatnan rònt di Dia di Rincon.

Tantu e organisashon komo tambe Entidat Públiko Boneiru ta indiká ku Dia di Rincon ta un dia di fiesta nashonal ku mester keda ku su derecho di eksistensia. Sinembargo e ta un evento tambe ku ta atraé hopi hende lokal i turista. Pa e motibu aki no ta responsabel pa laga e evento sigui na e manera original.

A palabrá ku sierto aktividatnan lo tuma lugá ku algun kambio ku ta kuadra ku e medidanan di prekoushon relashoná ku e situashon aktual. Den e temporada binidero ta sigui traha riba e programashon alternativo pa di e manera ei tòg por selebrá e aktividatnan kultural di Dia di Rincon e aña aki.

Segun diputado sra Den Heyer: ‘Na interes di bienestar general di nos poblashon, den e tempu aki di e vírùs di Corona, nos no por tuma niun otro desishon ku no ta di laga e festividatnan ofisial rònt di Dia di Rincon tuma lugá na un otro manera e aña aki.’


GEEN CENTRALE FEESTVIERING VAN ‘DIA DI RINCON 2021’

Kralendijk – wegens de heersende maatregelen in verband met het Corona-virus en de hieraan verwante, onzekere tijden heeft het OLB in samenspraak met de organisatie van ‘dia di Rincon’ – FuDeCu, besloten de centrale feestviering van ‘Dia di Rincon’ ook dit jaar niet op de gebruikelijke wijze door te laten gaan.

De organisatie zal gedurende de maand april wel diverse evenementen gaan organiseren, die via ‘live streaming’ kunnen worden gevolgd. Dit betekent dat de evenementen die direct verbonden zijn aan dia di Rincon enigszins gewijzigd zullen worden.

Dia di Rincon is een jaarlijks terugkerende culturele manifestatie dat al 32 jaar wordt georganiseerd en waar meer dan 4000 bezoekers op af komen. Het hoofddoel is om mensen bij elkaar te brengen om op die manier te laten genieten van alle belangrijke onderdelen van het cultureel erfgoed van Bonaire.

Het daartoe behorende ‘kanto krioyo’ waar ook over de tradities, gewoontes en legendes gezongen wordt zal dit jaar ook voor de 31 ste keer worden georganiseerd en heeft een gemiddelde 1500 bezoekersaantal.

Tijdens een vergadering waarbij de gedeputeerde mevrouw Nina den Heyer, waarnemend hoofd SKAL Felix Thomas, voorzitter van stichting Fudecu en organisatoren van ‘Kanto Krioyo’ aanwezig waren, werd de moelijke beslissing gezamenlijk genomen om de festiviteiten rondom ‘Dia di Rincon’ voor dit jaar op een andere manier vorm te geven.

Zowel de organisatie als ook het Openbaar Lichaam geven aan dat ‘dia di Rincon’, een nationale feestdag is, die zijn bestaansrecht moet behouden. Het is echter wel een evenement waar veel lokale mensen en toeristen op afkomen. Het is dus niet verantwoord om dit door te laten gaan op de oorspronkelijke wijze.

Er is afgesproken dat sommige activiteiten gewijzigd zullen plaatsvinden, passend bij de voorzorgmaatregelen betreffende de heersende situatie. De komende tijd zal er verder gewerkt worden aan een alternatieve programmering om zodoende de culturele activiteiten van ‘Dia di Rincon’ dit jaar toch te kunnen vieren.

Aldus Gedeputeerde den Heyer: In het belang van het algemeen welzijn van onze bevolking, kunnen we in deze tijden van het Corona-virus, geen andere beslissing nemen dan de officiele festiviteiten rondom ‘dia di Rincon’ dit jaar op een andere wijze te laten plaatsvinden.

Share This
error: Content is protected !!